中國有中國夢，美國有美國夢，習近平心入面個嗰夢同香港人嘅夢就應該唔多一樣。講到發香港夢，最近最熱門嘅都應該係佔領中環。不過，我就好奇香港人願意為民主付出幾多？到底係炒股同瞓街佔領中環之間，香港人會選擇邊樣? 而假如係佔領中環期間有人燒車，香港人又會點反應?會唔會雞咁腳就衝返屋企，警察清場就此完事?雖然我好羨慕我老友Michael Chugani 有得做美國呢個民主大國嘅公民，但我唔會忘記美國係得到宜家嘅一切之前，所經歷過嘅傷痛，幾多公民抗命。民主從來都唔係從天而降，當中包含咗民智嘅覺醒、堅持、智慧同權力鬥爭，唔係話你去嗌兩聲、投張票，蓋個印就為會出咗個黑人總統出嚟。